बागमती प्रदेशसभाका नवनिर्वाचित सभामुख भुवनकुमार पाठकले पद तथा गोपनीयताको शपथ ग्रहण
मकवानपुर । बागमती प्रदेशसभाका नवनिर्वाचित सभामुख भुवनकुमार पाठकले पद तथा गोपनीयताको शपथ ग्रहण गरेका छन् ।
शुक्रबार मात्रै सभामुख पदमा निर्वाचित पाठकलाई बागमती प्रदेश प्रमुख यादव चन्द्र शर्माले एक समारोहबीच प्रदेशसभा नियमावली २०७४ को उपनियम ८ बमोजिम पद तथा गोपनीयताको शपथ ग्रहण गराएका हुन् ।
सत्ता गठबन्धनको तर्फबाट उम्मेदवार बनेका राप्रपा पाठक शुक्रबार बसेको प्रदेशसभाको पहिलो बैठकमा भएको सभामुख पदको निर्वाचनबाट निर्वाचित भएका हुन् ।
उक्त समारोहमा बागमती प्रदेशका मुख्यमन्त्री शालिकराम जम्मकट्टेल, पूर्व मुख्यमन्त्री डोरमणि पौडेल, आन्तरिक मामिला तथा योजनामन्त्री जगन्नाथ थपलिया, बिभागीय मन्त्री उद्धव थापालगायतको उपस्थिति रहेको थियो ।
