राष्ट्रिय परिचय पत्र अनिवार्य गरिने
मकवानपुर । सरकारले बैंक खाता खोल्न, सवारी लाइसेन्स लिन, लालपुर्जा जारी गर्दा राष्ट्रिय परिचय पत्र अनिवार्य गरिने भएको छ । राष्ट्रपति रामचन्द्र पौडेलले शुक्रबार संघीय संसदको संयुक्त बैठकमा आगामी आर्थिक वर्ष २०८०/८१ को सरकारको नीति तथा कार्यक्रम प्रस्तुत गर्दै सो बारे जानकारी गराएका हुन् ।
बैंक खाता खोल्न, सवारी लाइसेन्स लिन, लालपुर्जा जारी गर्दा र स्थायी लेखा नम्बर लिंदा अनिवार्य रुपमा राष्ट्रिय परिचय पत्र नम्बर चाहिने व्यवस्था आगामी तीन वर्ष भित्र लागू गरिने हुने नीति तथा कार्यक्रममा उल्लेख गरिएको छ ।नागरिकको जैविक विवरण एक पटक मात्रै लिने पनि सरकारले बताएको छ ।
