विश्वकप विजेता स्पेनिस महिला टिमलाई मड्रिडमा भव्य स्वागत
एजेन्सी । विश्वकप विजेता स्पेनिस महिला विश्वकप टोलीलाई मड्रिडमा भव्य स्वागत गरिएको छ ।
विश्वकप विजेता भइ घर फर्किएका उनीहरुलाई मड्रिडमा भव्य स्वागत गरिएको हो । उनीहरुलाई राजधानीमा हजारौँ समर्थक तथा शुभचिन्तकहरुले स्वागत गर्दै हौसला प्रदान गरेका थिए ।
ओल्गा कार्मोनाले २९ औँ मिनेटमा गरेको गोलमा इंग्ल्याण्डलाई १–० ले हराउँदै स्पेनले उपाधि जितेको थियो । मड्रिडमा विश्वकपकी गोलकर्ता कार्मोनाको लागि विशेष समर्थन भएको थियो ।
उनलाई विश्वकप खेलिसकेपछि मात्रै बुवाको मृत्यको खबर दिइएको थियो । उनको बुवाको निधन विश्वकपको दिन आइतवार खेल शुरु हुनुभन्दा केही समय अघि मात्रै भएको थियो ।
