एल क्लासिकोमा बार्सिलोनाको रोमान्चक जित
एजेन्सी । स्पेनिस ला लिगा फुटबलको एल क्लासिको भिडन्तमा बार्सिलोनाले रियल मड्रिडलाई पराजित गरेको छ ।
आइतबार राति भएको रोमान्चक खेलमा बार्सिलोनाले रियललाई २–१ गोल अन्तरले हराएको हो । खेलको नवौं मिनेटमा डिफेन्डर रोनाल्ड अरुजोले आत्मघाती गोल गरेपछि रियलले १–० को अग्रता बनाएको थियो । तर, ४५ औं मिनेटमा सेर्जी रोबर्टोले गोल गर्दै बार्सिलोनालाई १–१ गोलको बराबरीमा ल्याए ।
त्यसपछि खेलको इन्जुरी समयमा फ्रान्क केस्सीले गोल गर्दै बार्सिलोनालाई २–१ को जित दिलाए । जितसँगै बार्सिलोनाले रियलविरुद्ध १२ अंकको अग्रता कायम गरेको छ ।
बार्सिलोनाले २६ खेलमा ६८ अंक जोडेको छ । रियलले ५६ अंक जोडेको छ । रियल दोस्रो स्थानमा रहेको छ ।