आज चौथो बकैया कपमा क्वाटर फाइनलका दुई खेल हुने
मकवानपुर । चौथो बकैया कप आज क्वाटरफाइनलका दुई खेल हुने भएका छन् ।
बकैया–७ भिरकोटको खेल मैदानमा भइरहेको फुटवल प्रतियोगितामा आजबाट क्वाटरफाइनलका खेल हुन लागेको हो ।
आज हुने पहिलो क्वाटरफाइनल खेलमा बकैया ८ र बकैया ५ ले दिउसो १ बजे आपसमा प्रतिष्पर्धा गर्ने आयोजकले जनाएको छ । यस्तै, आजै हुने दोस्रो क्वाटरफाइनल खेलमा बकैया ३ र बकैया ४ ले दिउसो ३ बजे आपसमा प्रतिष्पर्धा गर्ने छन् ।
गत माघ २२ गतेबाट शुरु भएको बकैया गाउँपालिका स्तरीय फुटबल प्रतियोगिता माघ २८ गतेसम्म सञ्चालन हुने छ ।
बिजेता हुने टिमलाई नगद रु १ लाख ५० हजार, शिल्ड, मेडल र प्रमाणपत्र तथा उपविजेता हुने टिमलाई नगद रु १ लाख, शिल्ड, मेडल र प्रमाणपत्र प्रदान गरिनुका साथै अनुशासित टिमलाई ट्रफि र नगद १० हजार प्रदान गरिने आयोजकले जनाएको छ ।