आजबाट चौथो बकैया कप शुरु हुदै
मकवानपुर । चौथो बकैया कप आज शुरु हुदै छ ।
बकैया गाउँपालिकाभित्र रहेका १२ वटा वडाहरुका बिचमा बकैया–७ भिरकोटको खेल मैदानमा फुटवल प्रतियोगिता हुन लागेको हो । आजबाट शुरु हुन लागेको बकैया गाउँपालिका स्तरीय फुटबल प्रतियोगिता माघ २८ गतेसम्म सञ्चालन हुने बकैया गाउँपालिका खेलकुद विकास समितिका अध्यक्ष विजय लामा थिङले बताउनुभयो ।
आज उद्घाटन खेलमा बकैया ७ र बकैया १० का बिच दिउसो ३ बजे खेल हुने आयोजकले जनाएको छ ।
बिजेता हुने टिमलाई नगद रु १ लाख ५० हजार, शिल्ड, मेडल र प्रमाणपत्र तथा उपविजेता हुने टिमलाई नगद रु १ लाख, शिल्ड, मेडल र प्रमाणपत्र प्रदान गरिनुका साथै अनुशासित टिमलाई ट्रफि र नगद १० हजार प्रदान गरिने आयोजकले जनाएको छ ।