युवा बर्ष मोती पुरस्कार–२०७९ मकवानपुरका बिर्खे अञ्जानलाई
मकवानपुर । राष्ट्रिय युवा सेवा कोषद्वारा हरेक बर्ष प्रदान गर्ने युवा बर्ष मोती पुरस्कार यो बर्ष मकवानपुरका युवा साहित्यकार लक्ष्मण बर्तौला (बिर्खे अञ्जान) लाई प्रदान गरिने भएको छ ।
राष्ट्रिय युवा सेवा कोषद्वारा गठित मूल्याङ्कन समितिले २०७९ सालको युवा बर्ष मोती पुरस्कारको लागि बर्तौलालाई सिफारिस गरेको हो ।
जिल्लाको उत्तरी क्षेत्रमा बसेर संस्थागत साहित्यको विकास तथा सिर्जनामा क्रियाशिल बिर्खे अञ्जानको आधा दर्जन संयुक्त कृति प्रकाशनको अतिरिक्त अवसान सपना (कविता सङ्ग्रह २०७२) शल्यक्रिया (समालोचना सङ्ग्रह २०७२) कठघरामा देश (मुक्तक सङ्ग्रह २०७९), मकवानपुरका काव्य ः अवलोकन र अध्ययन (समालोचना सङ्ग्रह २०७९) एकल कृति प्रकाशित छन् ।
राष्ट्रिय तथा अन्तर्राष्ट्रिय साहित्यिक क्षेत्रमा अब्बल उपस्थिति र पहिचान बनाउन सफल बिर्खे अञ्जान पालुङ साहित्य परिषद् तथा जन साहित्य सङ्घ मकवानपुरका अध्यक्षसमेत हुनुहुन्छ ।
नेपाली भाषा एवम् साहित्यको श्रीवृद्धिका लागि अतुलनीय योगदान पु्¥याए बापत बिर्खे अञ्जानलाई यस वर्षको ‘युवा वर्ष मोति पुरस्कार’ प्रदान गर्न लागिएको युवा सेवा कोषका सदस्य सचिव डा. बिष्णुबहादुर भण्डारीले बिज्ञप्ती प्रकासित गरी बताउनुभयो ।
राष्ट्रिय विभूति युवाकवि मोतिराम भट्टको स्मृतिमा वि.सं. २०४२ मा राष्ट्रिय युवा कोषद्वारा नगद ४० हजार राशी सहित स्थापित पुरस्कार मोतीराम भट्टको जन्म जयन्ती यही भाद्र ११ गते काठमाडौंमा एक समारोहबीच गरिने कोषका सदस्य सचिव डा. भण्डारीले बताउनुभयो ।
