शहिद स्मृति गोल्डकप अन्तराष्ट्रिय फुटबल प्रतियोगिताको क्वाटरफाइनलमा एपीएफ

मकवानपुर । विभागीय टोली एपीएफ क्लब हेटौंडामा जारी स्थानीय तह शहिद स्मृति गोल्डकप अन्तराष्ट्रिय फुटबल प्रतियोगिताको क्वाटरफाइनलमा प्रवेश गरेको छ । हेटौंडा–५ स्थित पिप्ले क्याम्पा रंगशालामा आइतबार भएको खेलमा सातदोबाटो क्लबलाई १–० गोलले पराजित गर्दै एपीएफ क्वाटरफाइनलमा पुगेको हो ।

एपीएफको जितमा युवराज खड्काले निर्णायक गोल गरे । फरवार्ड प्रदिप लामा दिएको पासलाई खड्काले हेडमार्फत गोल गर्न सफल भए । खड्काले दायाँ कर्नरतर्फबाट आएको क्रसलाई हेडमार्फत गोल गरे । पहिलो हाफमा एक गोलले पछि परेको सातदोबाटोले गोल गर्ने राम्रो अवसर पाएपनि सदुपयोग गर्न सकेन । त्यस्तै एपीएफले पनि असुन्दर मौकाहरु पायो । तर थप गोल गर्न भने सकेन । खेलको म्यान अफ द म्याच विजयी टोली एपीएफका मणि लामा घोषित भए । उनले नगद १० हजार प्राप्त गरे ।

अब एपीएफले सेमिफाइनल प्रवेशका लागि साविक विजेता विभागीय टोली त्रिभुवन आर्मी क्बलसंग प्रतिस्पर्धा गर्नेछ । प्रतियोगिता अन्तर्गत सोमबार एनआरटी फुटबल क्लब र वीरगञ्ज युनाईटडबीच प्रतिस्पर्धा हुनेछ । जिल्ला फुटबल संघ मकवानपुरको आयोजना भएको प्रतियोगिताको बिजेता टोलीले ट्रफिसहित नगद १५ लाख प्राप्त गर्नेछ भने उपविजेता हुने टोलीले ट्रफिसहित नगद १० लाख प्राप्त गर्नेछ ।

प्रतियोगिताको सर्बोउत्कृट खेलाडीले रोयल इन्फिल्ड बुलेट बाईक हात पार्नेछन् ।त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । कवानपुरका १० वटा स्थानीय तहको सहयोगमा आयोजित प्रतियोगितामा एक विदेशीसहित १२ टोलीको सहभागिता रहेको थियो । प्रतियोगिताको फाइनल खेल फागुन १० गते हुनेछ ।