चीनले आयोजना गर्ने १४ औं ब्रिक्स शिखर सम्मेलनमा प्रधानमन्त्री मोदी सहभागी हुने
एजेन्सी । चीनले आयोजना गर्ने १४ औं ब्रिक्स शिखर सम्मेलनले विभिन्न क्षेत्रहरूमा अन्तर-ब्रिक्स सहयोगबारे छलफल गर्ने अपेक्षा गरिएको छ ।
भारतका प्रधानमन्त्री नरेन्द्र मोदीले जुन २३ र २४ तारिखमा भर्चुअल ढाँचामा चीनले आयोजना गर्ने १४ औं ब्रिक्स शिखर सम्मेलनमा भाग लिनुहुने भएकाे हाे । साेही सम्मेलनमा २४ जुनमा अतिथि देशहरूसँग विश्वव्यापी विकासमा उच्च स्तरीय वार्ता हुने मंगलबार विदेश मन्त्रालयले जनाएकाे छ । चिनियाँ राष्ट्रपति सी जिनपिङको निमन्त्रणामा भारतीय प्रधानमन्त्री मोदी शिखर सम्मेलनमा सहभागी हुनुहुने भएकाे हाे ।
परराष्ट्र मन्त्रालयको अनुसार, ब्राजिल, रुस, भारत, चीन र दक्षिण अफ्रिका सबै उदीयमान देशहरूलाई असर गर्ने मुद्दाहरूमा छलफल र बहस गर्ने फोरमको रूपमा विकसित भएको छ । ब्राजिल, रुस, भारत, चीन र दक्षिण अफ्रिका देशहरूले बहुपक्षीय सुधारलाई थपसमावेशी र पहुँचयोग्य बनाउन निरन्तर आग्रह समेत गर्दै आएका छन् ।
१४ औं ब्रिक्स शिखर सम्मेलनमा छलफलहरूले आतंकवाद प्रतिरोध, वाणिज्य, स्वास्थ्य, परम्परागत चिकित्सा, वातावरण, विज्ञान र प्रविधि र नवप्रवर्तन, कृषि, प्राविधिक र व्यावसायिक शिक्षा र प्रशिक्षण, र लघु, साना तथा मझौला उद्योग मन्त्रालय लगायतकाक्षेत्रहरूमा अन्तर-ब्रिक्स सहयोगलाई समेट्ने अपेक्षा भएकाे इन्डिया न्यूज नेटवर्कले जनाएकाे छ ।
छलफलहरूले बहुपक्षीय प्रणालीको सुधार, कोभिड-१९ महामारीकोविरूद्ध लड्ने र विश्वव्यापी आर्थिक पुन: प्राप्तिलाई पनि कभर गर्ने सम्भावना भएकाे समेत परराष्ट्र मन्त्रालयले जनाएकाे छ ।
