बुधबार दिउँसो बकैयाको हात्तीसुँडेबाट जुरेलीतर्फ आउँदै गरेको बागमती प्रदेश ०३-००१ ह ३३९ नम्बरको अटो अनियन्त्रित भएर दुर्घटना भएको हो। दुर्घटनाका घाइतेमध्ये एक जनाको अवस्था गम्भीर रहेको र अन्यको मध्यम रहेको प्रहरी निरीक्षक साहले बताए।
गम्भीर घाइते हुनेमा बकैया-३, जीतदमारका १२ वर्षीय सृजल जिम्बा हुन्। दुर्घटनाका कारण जिम्बाको पेटमा गहिरो चोट लागेको छ।
दुर्घटनामा जिम्बाका बुबा ३४ वर्षीय देवलाल जिम्बा र आमा ३१ वर्षीया ठूलीमाया मध्यम घाइते भएका छन्। यस्तै, अन्य घाइतेमा बकैया-४ की २६ वर्षीया सुनिमाया भ्लोन र बकैया-५ का १२ वर्षीय युदिर बोगटी हुन्। घाइतेहरूको हेटौँडा अस्पतालमा उपचार भइरहेको प्रहरीले जनाएको छ।
