कांग्रेस संसदीय दलको नेतामा बहादुर सिंह लामा निर्वाचित
मकवानपुर । नेपाली कांग्रेस बागमती प्रदेश संसदीय दलको नेतामा निर्वाचन प्रक्रियाबाट नेपाली कांग्रेसका केन्द्रीय सदस्य बहादुर सिंह लामा निर्वाचित भएका छन् । केही बेरअघि भएको मतदान कार्य र मतगणना कार्य सकिए सँगै उनी दलको नेता चयन भएका हुन् ।
सर्वसम्मत रुपमा दलको नेता चयन हुन नसकेपछि निर्वाचनमा होमिएका उनले बागमती प्रदेश सभापति इन्द्रबहादुर बानियाँलाई पराजित गरेका छन् । लामाले २१ मत प्राप्त गर्दा बानियाँले १६ मत प्राप्त गरेका थिए ।
बानियाँ यसअघिको सरकारमा पनि दलको नेता थिए। उनीहरू दुवैजना कांग्रेसको संस्थापन पक्षका नेता हुन्। ३७ जना प्रदेशसभा सदस्यले मतदानमा भाग लिएका थिए ।