नेपाल माझी महिला उत्थान संघको नयाँ नेतृत्व चयन
मकवानपुर – नेपाल माझी महिला उत्थान संघको पाँचौं राष्ट्रिय महाधिवेशनबाट नयाँ नेतृत्व सर्वसम्मत रूपमा चयन गरिएको छ। नव-निर्वाचित सम्पूर्ण पदाधिकारी तथा सदस्यहरूलाई बधाई दिँदै सफल कार्यकालको शुभकामना व्यक्त गरिएको छ।
महाधिवेशनबाट अध्यक्षमा होम कुमारी माझी (ओखलढुंगा) चयन हुनुभएको छ भने उपाध्यक्षमा सिसन माझी (मकवानपुर) निर्वाचित हुनुभएको छ। त्यस्तै महासचिवमा पदम माया माझी (झापा) र सचिवमा सुनीता माझी (सिन्धुली) चयन हुनुभएको छ।
कोषाध्यक्षमा सावित्री माझी (काभ्रेपलाञ्चोक) रहनुभएको छ। सदस्यहरूमा राधिका माझी (नुवाकोट), कमला माझी (लमजुङ), सरु माझी (पर्वत), पार्वती माझी (मोरङ), अनुशा माझी (धादिङ) र शोभा माझी (महोत्तरी) चयन हुनुभएको छ।
नव-निर्वाचित टिमले माझी समुदायका महिलाको अधिकार, सशक्तीकरण र विकासका लागि सक्रिय रूपमा काम गर्ने अपेक्षा गरिएको छ।
बधाई तथा शुभकामना सन्देश नेपाल माझी उत्थान संघ, बागमती प्रदेश समितिका अध्यक्ष रामशरण माझीले दिनुभएको हो।