सन्चारकर्मी विवेक सिंतानलाई `उत्कृष्ट खेलकुद पत्रकारिता पुरस्कार´
बकैया दर्पण : सातौं संस्करणको बागमती गोल्डकप राष्ट्रिय फुटबल-२०८१ समापनमा सन्चारकर्मी विवेक सिंतानलाई सम्मान गरेको छ । सोमबार आयोजक बागमती खेलकुद विकास समितीले गोल्डकप समापनको अवसरमा सन्चारकर्मी सिंतानलाई सम्मान गरेको हो ।
रेडियो झुरझुरे ९०.६ मेगाहर्जका स्टेसन म्यानेजरसमेत रहनुभएका सिंतानलाई १५ हजार रुपैयाँ नगदसहितको `उत्कृष्ट खेल पत्रकारिता पुरस्कार´ प्रदान गरिएको हो । सिंतानले सातौं संस्करणसम्म आइपुग्दा पत्रकारिताको माध्यमबाट पालिकामा हुने खेलकुदको हरेक गतिविधिलाई प्रचारप्रसार र समाचार सम्प्रेषण गरि योगदान पुर्याएको भन्दै सम्मान गरेको आयोजकले जनाएको छ । सिंतानले यस संस्करणमा मिडिया प्रचारप्रसारको संयोजक रहेर काम गर्नुभएको थियो ।