धारिलो हतियार दाउको प्रहारबाट एक जना वृद्ध घाइते
बकैया दर्पण : हेटौँडा उपमहानगरपालिका वडा नं.१० बसपार्कमा धारिलो हतियार दाउको प्रहारबाट एक जना वृद्ध घाइते भएका छन । हेटौँडा–१, चाइनाक्वाटरका ७१ वर्षीय प्रेमबहादुर कार्की घाइते भएका हुन ।
बिहीबार बिहान ११ बजेर ५० मिनेटको समयमा हेटौँडा–१३, पदमपोखरीका ५३ वर्षीय अर्जुन गोम्जा र कार्कीबीच विवाद हुँदा गोम्जाले दाउले प्रहार गर्दा कार्कीको दायाँ कानमा गहिरो चोट लागेको हो ।
कार्कीलाई उपचारका लागि हेटौँडा अस्पताल लगिएकोमा थप उपचारका लागि बिहीबार साँझ ५ बजेर ४० मिनेटको समयमा भरतपुरस्थित पुरानो मेडिकल कलेज रिफर गरिएको जिल्ला प्रहरी कार्यालय मकवानपुरले जनाएको छ । धारिलो हतियार सहित गोम्जालाई प्रहरीले नियन्त्रणमा लिएर अनुसन्धान गरिरहेको छ ।#अनिरुद्र खबर
