मकवानपुरको बकैया गाउँपालिकामा कार दुर्घटना हुँदा तीनजना गम्भीर घाइते
काठमाडौं : मकवानपुरको बकैया गाउँपालिकामा कार दुर्घटना हुँदा तीनजना गम्भीर घाइते भएका छन्।
ललितपुरबाट हेटौँडातर्फ जाँदै गरेको ग ३ च ९४७५ नम्बरको टाटा कार अनियन्त्रित भई बकैया–१२ चौतारास्थित कान्ति लोकपथ सडकखण्डमा दुर्घटना भएको हो।
कार सडकबाट करिब ४००-५०० मिटर तल खसेको जिल्ला प्रहरी कार्यालयका प्रवक्ता डीएसपी लक्ष्मी भण्डारीले जानकारी दिए।
घाइते तीनैजना पुरुष रहेको तर परिचय खुलन नसकेको प्रहरीले जनाएको छ। दुईजनालाई उद्धार गरी अस्पताल पठाएको र अर्का एकजनाको उद्धार भइरहेको डीएसपी भण्डारीले जानकारी दिए।