पञ्चशिल युबा क्लब फाइनलमा प्रवेश
बकैया : मकवानपुर जिल्ला लिग छनोट फुटबल प्रतियोगितामा पञ्चशिल युबा क्लब फाइनलमा प्रवेश गरेका छन् ।
हेटौँडा–५ स्थित पिप्ले–क्याम्पा रंगशालामा भएको पहिलो सेमिफाइनल खेलमा पञ्चशिल युबा क्लब विजयी भएको थियो । पञ्चशिल युबा क्लबले जनहित युबा क्लबलाई ३ –० गोलको अन्तरले हराएको हो ।
खेलमा पञ्चशील युवा क्लबका रोनिम मोक्तान, सुमन लोप्चन र राजन गोलेले १–१ गोल गरे । खेलमा उत्कृष्ट प्रर्दशन गर्दै पञ्चशिल युबा क्लबका राजन गोलेलाई म्यानअफ द म्याच घोषित भएका छन् ।
यसैगरि भोलीको सेमिफाइनलको विजेतासँग आगामी मंसिर ३० गते हुने फाइनल खेलमा पञ्चशिल युबा क्लबले प्रतिस्पर्धा गर्नेछ ।
प्रतियोगितामा १२ वटा टीमको सहभागिता रहेको छ । मकवानपुर जिल्ला फुटबल संघका सचिव सुनिल लोप्चनले जिल्ला लिग क्वालिफाईबाट २ टोलीले मकवानपुर जिल्ला लिगमा स्थान बनाउने जानकारी दिए ।
