छिट्टै क्रिकेटको मैदानमा फर्किने सन्दीपको विश्वास
मकवानपुर । नेपाली क्रिकेट टिमका पूर्वकप्तान सन्दीप लामिछानेले आफू निकट भविष्यमै क्रिकेट मैदानमा फर्किने बताएका छन् ।लामिछाने शुक्रवार नै २० लाख रुपैयाँ धरौटी तिरेर कारागारमुक्त भएका हुन् ।
एउटी नाबालिगमाथि बलात्कार गरेको आरोपमा पूपक्षका लागि थुनामा रहेको लामिछानेलाई उच्च अदालत पाटनले बिहिबार धरौटी तिरेर कारागारमुक्त हुने फैसला गरेको थियो ।
कारागारमुक्त भएपछि पत्रकारसंग कुराकानी गर्दै लामिछानेले आफू छिट्टै क्रिकेट मैदान फर्किने बताए । ‘एकदमै राम्रो सँग फर्कन्छु, उनले भने ।
कारागारमुक्त भएलगत्तै सन्दीपले अबका केही दिन परिवारका सदस्यसँग समय बिताउने बताएका छन् ।
लामिछानेलाई अदालतले विभिन्न शर्तसहित थुनामुक्त गर्न आदेश दिएको हो । उक्त आदेशको पालना नगरी उल्लंघन गरेको पाइएमा उनलाई पुनः थुनामा पठाउन सकिने छ ।