मदन भण्डारी राजमार्गमा बस–मोटरसाइकल ठोक्किँदा एक जनाको मृत्यु, एक गम्भीर घाइते

बकैया दर्पण संवाददाता
१५ मंसिर २०८२, आईतवार १०:१५

सिन्धुली — मदन भण्डारी राजमार्गअन्तर्गत दुधौली–२ गागनमा आज बिहान करिब ३:२० बजे बस र मोटरसाइकल एक–आपसमा ठोक्किँदा एक जनाको मृत्यु भएको छ भने एक जना गम्भीर घाइते भएका छन्।

बा ३ ख ७४६ नम्बरको बस र ज ८ प ८१६४ नम्बरको मोटरसाइकल ठोक्किँदा मोटरसाइकलमा सवार दुधौली–३ निवासी २५ वर्षीय महेश कुमारको उपचार क्रममा मृत्यु भएको प्रहरीले जनाएको छ। गम्भीर घाइते भएका कमलामाई–१४ चन्दनपुरका दिपेश कुमारलाई उपचारका लागि अस्पताल लगिएको छ।

दुर्घटनापछि बस चालक उदयपुर कटारी–३ का स्याम कुमार भट्टराई फरार रहेको र उनीमाथि खोजतलास तथा घटनाबारे आवश्यक अनुसन्धान अघि बढाइएको प्रहरीको भनाइ छ।

यसमा तपाइको मत

Your email address will not be published. Required fields are marked *


*