जेसीआई बकैया द्वारा हेटौंडा सीमाना क्षेत्रमा स्वागत बोर्ड स्थापना
मकवानपुर ,बकैया — हिजो मिति २०८२/७/१३ गते जेसिस बकैयाले बकैया गाउँपालिका र हेटौंडा उपमहानगरपालिकाको सीमाना क्षेत्रमा स्वागत बोर्ड स्थापना तथा सरसफाइ कार्यक्रम सम्पन्न गरेको छ।
कार्यक्रम अन्तर्गत स्थानीय क्षेत्रमा रहेका सार्वजनिक स्थानहरूमा सरसफाइ अभियान सञ्चालन गरिएको थियो। साथै बकैया–हेटौंडा सीमाना क्षेत्रमा आकर्षक स्वागत बोर्ड स्थापना गरी आगन्तुकलाई सहज र सकारात्मक सन्देश प्रवाह गर्ने उद्देश्यले उक्त बोर्ड राखिएको हो ।
कार्यक्रममा जेसीआई बकैया का पदाधिकारी, स्थानीय प्रतिनिधि, सामाजिक अभियन्ता तथा युवा स्वयंसेवीहरूको सक्रिय सहभागिता रहेको थियो। जेसिज बकैयाले सामाजिक सेवा, नेतृत्व विकास र जनचेतनामूलक कार्यक्रमहरू संचालन गरिने आयोजकले बताए।
जेसीआई बकैया ले समुदायमै सकारात्मक परिवर्तन ल्याउने उद्देश्यले प्रत्येक वर्ष जेसिज विविध गतिविधि गर्दै आएको छ।
