पदमपोखरीमा इटा बोकेको ट्रक पल्टिँदा चालक घाइते
मकवानपुर – मकवानपुरको हेटौंडा उपमहानगरपालिका–१३ टुटेपानीस्थित भित्री सडकखण्डमा आज बिहान भएको सवारी दुर्घटनामा एक जना घाइते भएका छन्।
मिति २०८२।०८।१३ गते बिहान ८:५५ बजेको समयमा पदमपोखरीबाट टुटेपानीतर्फ जाँदै गरेको लु २ ख ६४९९ नम्बरको इट्टा लोड १२ चक्के ट्रक सडकमा राखिएको स्ल्याब कमजोर भएकै कारण भाँचिँदा अनियन्त्रित भई सडक छेउमा पल्टिएको थियो।
घटनाबारे स्थानीयले जानकारी दिएपछि प्रहरी चौकी पदमपोखरीबाट प्र.स.नि. दिल बहादुर तामाङको कमाण्डमा टोली घटनास्थल पुगेको थियो।
जिल्ला बारा, सिम्रनगढ नगरपालिका–८ का २४–२५ वर्षिय ट्रक चालक अकलेश कुमार साह दाहिने हात र पिठ्युमा सामान्य चोट लागेर घाइते भएका छन्। उनलाई स्थानीयले प्रहरी टोली पुग्नुअघि नै नजिकैको मेडिकलमा उपचारका लागि लगेका थिए।
घाइतेको अवस्था सामान्य छ भने ट्रक घटनास्थलमै रहेको प्रहरीले जनाएको छ।
उक्त स्थान प्रहरी चौकी पदमपोखरीबाट करिब २ किलोमिटर पूर्व–दक्षिणमा पर्छ।