काठमाडौँमा बकैया–१ का युवक मृत फेला
मकवानपुर,बकैया – मकवानपुर, बकैया–१ महादेवफेदीका प्रकाश थिङ काठमाडौँमा मृत अवस्थामा फेला परेका छन्। काठमाडौँमा ज्याला–दारी मजदुरी गर्दै आएका थिङ मंसिर ११ गते राति १० बजेपछि सम्पर्कविहीन भएका थिए।
थिङलाई मंसिर १२ गते बिहान करिब ६ बजे काठमाडौँको कलंकी–शिवटार क्षेत्रको नालीमा लडिरहेको अवस्थामा स्थानीयले फेला पारेका हुन्। बिहानै पैदल यात्रामा निस्किएका स्थानीयले नालिमा मानिस लडिरहेको देखेपछि प्रहरीलाई खबर गरेका थिए।
उनीलाई प्रारम्भिक रूपमा उद्धार गरेर पोस्टमार्टमका लागि महाराजगञ्जस्थित टिचिङ अस्पताल लगिएको प्रहरीले जनाएको छ। मृत्युको कारण भने स्पष्ट हुन बाँकी रहेको र थप अनुसन्धान भइरहेको जनाएको छ।