आधारभूत विद्यालयमा METTA Volunteers द्वारा २२२ थान ट्र्याकसुट तथा टी–शर्ट वितरण

मकवानपुर, बकैया–०७ हर्दा स्थित श्री माटोकोरी आधारभूत बिद्यालयमा आज मिति २०८२/८/११ गते METTA Volunteers द्वारा छात्र–छात्रा तथा शिक्षक–कर्मचारीका लागि ट्र्याकसुट र टी–शर्ट वितरण कार्यक्रम सम्पन्न भएको छ।

कार्यक्रम METTA Volunteers का कार्यक्रम संयोजक श्री गौतम महर्जनको विशेष उपस्थितिमा सम्पन्न भएको हो। उहाँको नेतृत्वमा कक्षा ECD देखि कक्षा ८ सम्म अध्ययनरत सम्पूर्ण विद्यार्थीहरू तथा विद्यालयका शिक्षक–कर्मचारी गरी कुल २२२ थान ट्र्याकसुट र टी–शर्ट वितरण गरिएको विद्यालयको प्रधानाध्यापक शिव प्रसाद बोलखेले जनाएको छ।

यस सहयोगले विद्यार्थीहरूको शैक्षिक वातावरणमा थप उत्साह र ऊर्जाको संचार भएको विद्यालय परिवारले बताएको छ। साथै, यस महत्वपूर्ण सहयोगका लागि विद्यालय परिवारले METTA Volunteers र सम्पूर्ण METTA परिवारप्रति हार्दिक धन्यवाद व्यक्त गरेको छ।