कुलमानलाई हटाइएको सरकारको निर्णयप्रति बकैया घेदुङ संघको सडकमा

बकैया दर्पण : नेपाल विद्युत् प्राधिकरणका कार्यकारी निर्देशक कुलमान घिसिङलाई हटाइएको सरकारको निर्णयप्रति नेपाल तामाङ घेदुङ संघ बकैया गाउँपालिका कमिटी सडकमा उत्रिएको छ। शनिबार घेदुङ संघ सडक उत्रिएर विरोध प्रदर्शन गरेको हो ।

घेदुङ संघ बकैयाकी अध्यक्ष लक्ष्मी जिम्बाको नेतृत्वमा विरोध प्रदर्शन भएको हो । नेपाल विद्युत् प्राधिकरणका कार्यकारी निर्देशकको भुमिकामा रहि नेपाललाई उज्यालो बनाउन लागि परेको र उहाँलाई अपमानजनक रुपमा कार्यअवधी थोरै बाँकी रहँदा बर्खास्त गर्ने सरकारको निर्णय गलत रहेको भन्दै विरोध जनाएको छ ।

नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएको विरोधमा देशभर प्रदर्शन जारी रहेको छ । गत सोमबार बसेको नेपाल सरकार मन्त्रिपरिषद्को बैठकले घिसिङलाई हटाएर उनको स्थानमा हितेन्द्रदेव शाक्यलाई नियुक्त गरेको थियो । कमिटीको बिहीवार बसेको कमिटीको बैठकले उक्त विषयमा आपत्ति जनाउँदै विरोध र्‍याली गर्ने निर्णय गरेको थियो ।