कुलमान घिसिङलाई हटाएइकोमा बकैया घेदुङ संघको आपत्ति, शनिबार विरोध र्याली गर्ने
बकैया दर्पण : नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएको सरकारको निर्णयप्रति नेपाल तामाङ घेदुङ संघ बकैया गाउँपालिका कमिटीले आपत्ति जनाएको छ । बिहीवार बसेको कमिटीको बैठकले उक्त विषयमा आपत्ति जनाउँदै विरोध र्याली गर्ने निर्णय गरेको हो ।
नेपाल विद्युत् प्राधिकरणका कार्यकारी निर्देशकको भुमिकामा रहि नेपाललाई उज्यालो बनाउन लागि परेको र उहाँलाई अपमानजनक रुपमा कार्यअवधी थोरै बाँकी रहँदा बर्खास्त गर्ने सरकारको निर्णय गलत रहेको संघको दाबी छ । यो निर्णयको घोर भत्सर्ना गर्दै शनिबार विरोध र्याली गर्ने निर्णय भएको घेदुङ संघले जनाएको छ ।
नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएको विरोधमा देशभर प्रदर्शन जारी रहेको छ । गत सोमबार बसेको नेपाल सरकार मन्त्रिपरिषद्को बैठकले घिसिङलाई हटाएर उनको स्थानमा हितेन्द्रदेव शाक्यलाई नियुक्त गरेको थियो । बैठकले आगामी शैक्षिक सत्रबाट स्थानीय पाठ्यक्रम अन्तर्गत तामाङ (मातृ) भाषामा पठनपाठन गराउन बकैयाको शिक्षा शाखाबाट कार्यन्वयन गराउन जिम्मेवारी दिने र सो कार्यक्रमका लागि आवश्यक समन्वय घेदुङ संघले गर्ने निर्णय गरेको छ ।