हेटौंडामा देवरले गरे भाउजुको हत्या: दाइ गम्भीर घाइते
बकैया दर्पण : हेटौंडामा खुकुरी प्रहारबाट एक महिलाको हत्या भएको छ । बुधबार राति ९ बजे हेटौंडा उपमहानगरपालिका-१ चौकीटोल घर भएकी ३५ वर्षीया गुडिया दासको हत्या भएको जिल्ला प्रहरी कार्यालय मकवानपुरले जनाएको छ ।
उनलाई आफ्नै देवरले धारिलो हतियार प्रहार गरी हत्या गरेको प्रहरी निरीक्षक ठाकुर प्रसाद सापकोटाले जानकारी दिनुभयो । घटनामा उनका कान्छा देवर २३ वर्षीय राहुल भनिने रमेश दास संलग्न रहेको जनाएको छ ।
उक्त आरोपमा प्रहरीले उनलाई हातमा खुकुरी बोकेकै अवस्थामा पक्राउ गरेको छ । राहुलले आफ्नो माइलो दाजु २८ वर्षीय रुपेश दासलाई पनि खुकुरी प्रहार गरी गम्भीर घाइते बनाएको र अहिले अस्पतालमा उपचार भइरहेको जनाएको छ । घटनामाथी थप अनुसन्धान भइरहेको प्रहरीले जनाएको छ ।