हेटौंडाका लामा लागूऔषधसहित पक्राउ
मकवानपुर । मकवानपुर प्रहरीले अवैध लागूऔषधसहित सोमबार साँझ हेटौंडा उपमहानगररपालिका वडा नम्वर १५, रातोमाटेबाट एक जनालाई पक्राउ गरेको छ ।
पक्राउ पर्नेमा हेटौंडा उपमहानगरपालिका वडा नम्वर १४ बदेलधाप बस्ने अन्दाजी २४ वर्षीय किरण लामा रहेको जिल्ला प्रहरी कार्यालय मकवानपुरका प्रहरी नायव उपरीक्षक कार्कीले जानकारी दिए । लामालाई प्रहरी चौकी रातोमाटेबाट खटिएको प्रहरी टोलीले लागूऔषध ट्रामाडोल क्यापसुल लेखेको २७ फाईल ट्याबलेट ९१ फाईलमा १० वटा ट्याबलेट भएको २७० वटा ट्याबलेटसहित पक्राउ गरेको प्रहरी नायव उपरीक्षक कार्कीले बताए ।
उनका अनुसार, सोमबार साँझ साढे ७ बजेको समयमा चुरियामाईबाट हेटौंडा बजारतर्फ आउँदै गरेको उनलाई शंका लागि चेकजाँच गर्दा सो परिमाणको लागूऔषध फेला परेपछि निजलाई पक्राउ गरिएको हो । पक्राउ परेका उनीमाथि आवश्यक अनुसन्धानका साथै कानूनी प्रकृया अगाडि बढाइएको जनाएको छ ।
