एमाले सचिवालय बैठक बस्दै, महानगर र उपमहानगरपालिकाका उम्मेदवारबारे निर्णय लिने
मकवानपुर । नेकपा एमालेको सचिवालय बैठक आज बस्ने भएकाे छ ।
बैठक दिउँसो ३ बजे पार्टी अध्यक्ष केपी शर्मा ओलीको निवास बालकोटमा बस्न लागेको हो ।
बैठकमा आसन्न स्थानीय तह निर्वाचनमा महानगर र उपमहानगरपालिकाकाे उम्मेदवारबारे निर्णय गरिने प्रचार विभागका उपप्रमुख विष्णु रिजालले जानकारी दिए। यसैगरी बैठकमा निर्वाचनसम्बन्धी आवश्यक निर्णय पनि गरिने बताइएकाे छ ।
एमालेले ललितपुमा हरिकृष्ण ब्यन्जनकार, वीरगञ्ज विजय सराबगी र भरतपुरमा विजय सुवेदीको नाम मेयरका लागि सर्वसम्मत रूपमा सिफारिस गरिसकेकाे छ ।
निर्वाचन आयाेगले उम्मेदवारी दर्ताका लागि आइतबार र साेमबारकाे समय दिएकाे छ ।
