सत्तारुढ गठबन्धनको बैठक आज पनि बस्दै
मकवानपुर । स्थानीय तहको निर्वाचनको भागबण्डा मिलाउन सत्तारुढ गठबन्धनको बैठक आज मंगलबार पनि बस्दैछ । बैठक प्रधानमन्त्रीको सरकारी निवास बालुवाटारमा बिहान साढे ११ बजे बस्न लागेको हो ।
आइतबार र सोमबार बसेको बैठकले महानगर र उपमहानगरपालिकाको सिट बाँडफाँटमा सहमति जुटाउन नसकेपछि आज पुनः बैठक बस्न लागेको हो ।
बैठकमा छ महानगरपालिका र ११ उपमहानगरपालिका कहाँ कसले लिने भन्ने भागबन्डा टुंग्याउन प्रधानमन्त्री शेरबहादुर देउवासहित सत्तागठबन्धनमा रहेका दलका अध्यक्षहरू र शीर्ष नेताहरू छलफलमा जुट्न लागेका हुन् ।
