पहिरोका कारण मुग्लिन–नारायणगढ सडकखण्ड अवरुद्ध
मकवानपुर । मुग्लिन–नारायणगढ सडकखण्ड आइतबार बिहान १० बजेदेखि अवरुद्ध भएको छ ।
सडकखण्डको कालीखोला पुलनजिकै पहिरो खसेकाले सडक अवरुद्ध भएको सडक डिभिजन कार्यालय भरतपुरले जनाएको छ ।
निरन्तर वर्षा भइरहँदा माथिबाट लेदो बगिरहेकाले पहिरो पन्छाउन मुस्किल भएको बताइएको छ । पानी पर्न कम भएपछि पहिरो पन्छाएर सडक खुलाइने आयोजनाले जनाएको छ । सडक कति बेला खुल्छ भन्ने यकिन नभएको भन्दै प्रहरीले यात्राका लागि वैकल्पिक मार्ग रोज्न भनेको छ ।
सडक अवरुद्ध भएपछि दुवैतर्फ सयौं सवारी साधन रोकिएका छन् ।
