मनहरीमा फेरि बाघ देखियो
हेटौंडा । मकवानपुरको मनहरी क्षेत्रमा पुनः बाघ देखा परेको छ । गत पुस १४ गते बाघको आक्रमणबाट एक जनाको ज्यान गएपछि त्रसित बनेका मनहरीका स्थानीय शनिबार पुनः बाघ देखिएपछि आत्तिएका हुन् ।
यो पटक मनहरीको वडा नम्बर १ ज्यामिरे खोलातर्फ बाघ देखा परेको मनहरी गाउँपालिका वडा नम्बर १ का वडाध्यक्ष शिवप्रसाद खनालले जानकारी दिए ।
गत पुस १४ मा भने मनहरी ५ मा बाघको आक्रमणबाट बारीमा घाँस काट्दै गरेकि ७२ बर्षीया कान्छीमाया रुम्बाको ज्यान गएको थियो भने सोही स्थानका सुर्यबहादुर मोक्तानको खोरको सात वटा बाख्रा मारिदिएको थियो । उक्त बाघलाई दुइदिन पछि चितवन र पर्सा राष्ट्रिय निकुञ्जको टोली आएर डार्ट गरेर नियन्त्रण लिएको थियो ।